لآتشتكي للناس لو كنت مطعون......
اضحك وفل حجاجك اشفيك محزون
دنياك ماتسوى وخذها نصيحه..
، ، ،
مادام مالك ميت ولا انت مديون
ارم الهموم وخل نفسك مريحه..
، ، ،
لو كانوا اصحابك يضاهون مليون
نق الكفو منهم وخل السطيحه..
، ، ،
ولا تشتكي للناس لوكنت مطعون
والذم من بعض الخلايق مديحه..
، ، ،
ولا تنحني للهم وتعيش مغبون
ترا المريح اهل العقول الصحيحه..
، ، ،
لاصرت صادق قالوا الناس مجنون
مايمدحون الا النفوس القبيحه..
، ، ،
وخلك صمود بوجه الايام دندون
وما حرم الله اثم لا تستبيحه..
، ، ،
والكبر لو به فايده فاد فرعون
ومن ذاع سره بشره بالفضيحه..
، ، ،
والله لو يعطون لك مال قارون
ماشفت نفسك بالغنى مستريحه..