بـعــــــــد غيــــبتي جــــيت

بعد غيبتي جيت ولقيت ... ماتقول عمري غبت

معاك بالكلام بديت ... نشدتك وما جاوبت

حسيت كل حاجه في ... من كسفتي ذابت عرق

منك نفضت أيدي ... وفرغت همي في الورق

عنك كتبت وقلت ... هو اللي بدانا بالجفا

وحاولت كيف أزعلت ... مانقطع أحبال الرجا

بالك ايجي ندمان ... ويعود كيف ماكان

بيش خاطري يطمان

كيف ياحبيبي تبي الغلا ... موح وشقا وهجران

كيف ياحبيبي تبي الوفا ... بعد وجفا وحرمان

كيف الغلا يبقى شقا ... كيف الوفا يبقى جفا

ومايكون كيف زمان

كيف ياحبيب تبعد يطول غيابك ... كيف ياحبيب ترضى تجافي أحبابك

يغيب الزها وتفوتني محروم ... يطول الجفا وتريدني ما نلوم

كيف الغلا يبقى شقا ... كيف الوفا يبقى جفا

وتزيدني أحزان وتريدني نطمان

كيف ياحبيب ترضى الخطا والسيه ... كيف ياحبيب تخلف وعودك ليه

تدير الخطا وما تقول ناغلطان ... نشكي جفاك تزيد في الهجران

كيف ياحبيب صبري يزيد عنادك ... كيف ياحبيب نظمأ على ميرادك

لانك اللي خالفت كي جافيتك ... ولانك اللي والفت كي صافيتك

ولانك اللي باعدت نين أنسيتك ... ونسيت هااللي كان