الودن صناتة ...

الودن صناتة الحس والعين تشبح بيانه
والقلب صندوق للدس وعلة ابنادم لسانه

أوقات نبقى طارب
وأوقات نبقى باللسان انحارب
واوقات حتى الراي عندي خارب
وأوقات فرخ البوم ضدي ضده
أوقات فيا الحيلة
وأوقات كيف الصيد في الحبيلة
وأوقات نبقى صقر بو كمبيلة
وأوقات نبقى بين شده وفده
أوقات نبقى باهي
وأوقات نبقى في همومي لاهي
وأوقات حتى المر عندي باهي
وأوقات حتى الحلو مايتعدى

مافي النسا طيبة تخيل
وما في الشتاء يوم دافي
والغربي ليا حركه غيم
معاه ماتجد عوافي

الجرح يبرى والعبا نرفوها
والموجعة من القلب ماننسوها

من كثر ماهن قاسيات أوجاعي
الناس رقدت وانا بروحي واعي
الناس رقدت وارتاحت
وهمومهم بع لرقاد انزاحت
وانا خاطري فيه الهموم اجتاحت
لين دمعتي مسحتها بدراعي
الناس راقدين هنايا
ونسيوا مشاكلهم مع التغطايا
وأنا ابروحي ماونيس معايا
انجوم السما عديتهن بصباعي

مشكووور على موضوعك